القاهرة 24 اغسطس 2014 الساعة 02:03 م
دخان
أنا زي أي رواية مرمية...
الدوشة حواليا...
دوامة الدخان محاوطاني...
مخنوق بحبل الفجأة متكتف...
كل اللي حاصل مش في حسباني...
سقط المنافق واللي كان يهتف...
الأزمة بتعري الوشوش...
وتبين اللازم من اللي مالووش...
كله "ف" نهاية الأمر بلا رجعة...
الأمنيات الطيبة...
والأمنيات اللي قالت : روحه بلا رجعة...
جبت الدفاتر من جديد فريت...
لازم يكون فيه حذف ومراجعة...
باب الحياه مفتوح علي الأحلام...
ومادام طلعلك صوت يابير روحي...
البر هايساعني...
ولقيت مكان أرحب...
دلوقتي هااتشقلب علي الرملة...
وارقص في سري وادوب...
***
الطيبين
تأجل الأيام وتترحل
برضوا الصباح.. هايبص "ع" المخاليق
يضحك في وش الفقرا والمجاريح
ويلم شمل عروسة تتكحل
ويقطع التصاريح وجوازات الدخول
الليل ضروري يمسي ويودع
حلمي اللي راح يرجع
ولا عمري يوم أنيت
ولا كنت يوم با اقلق علي التايهيين
مشواري رايحه وسكتي بتنده
موّال التين
الحالم اللي يدوس علي الأشواك
ويبوس خدود الوردة في الشباك
لولا ابتسامة الصبح لم عشنا
كان موتنا صهد وبرد يرعشنا
تمشي الحياه
وتعيش قلوب ترقص
بتدوب تزيد تنقص
سحر العيون..
يسرق شباب قلبك يا متفائل
ويحير المسؤول ..
ويعذب السائل
ونس
طول عمري بااحلم بالونس
وبقلب دافي يفوت معاي في البرد
ينحت في صخر الهم
يدوب القسوة
طول عمري بااسهر ليلي واستني
ولا شاي ولا قهوة
بافرد عباية العشق واطويها
وارمي الشبك مرات
فاضية البحور من نبتة من صنعي
مرسومة رسم كتاب
3
مش ناقصة ولا زايدة
حلاوتها مظبوطة
روحها البريئة براءة الاطفال
ايدها الطرية بتنجرح
لو تلمس الفوطة
كل لمسة أيد ببصرة
الحقي روحي النحيلة
دايبة من كتر الهزال
با اطلبك تليفوني فاصل
شكلي مش ها اقدر أواصل
كل أسئلتك غريبة
فاتحة صدرك للسماسرة
واحنا نندغ ألف حسرة
كل كوم يطلع له كومي
كل لمسة إيد ببصرة
واحنا مش لاقيينها كسرة
ياللا فوقي ..
فزي ..قومي
صرنا أسري ..
موتنا حسرة
الشعرا البعدا
أوعوا تلوموها الشمس .. لو زعلت
أو بالإيدين.. المشاع
أو بالإيدين.. الشعاع ..
مسحت خطاوي الضل
ولا تزعلوش ..
علي حيطة من غير أساس .. إذا اتهدمت
"بلالين" تفرقع بانفعال دبوس
فما تتحسبشي الحسبة بالتلميع
وما تتحسبشي الحسبة.. بالدوشة
مش كل ضحكة.. تداوي قلب حزين
ولا كل تنطيط .. أوعبط ..
تبقي العيال روشه
*************
ونس
طول عمري بااحلم بالونس
وبقلب دافي يفوت معاي في البرد
ينحت في صخر الهم
ويدوب القسوة
طول عمري بااسهر ليلي واستني
ولا شاي ولا قهوة
بافرد عباية العشق واطويها
وارمي الشبك مرات
فاضية البحور من نبتة من صنعي
مرسومة رسم كتاب
مش ناقصة ولا زايدة
حلاوتها مظبوطة
روحها البريئة براءة الاطفال
ايدها الطرية بتنجرح
لو تلمس الفوطة
************
كل لمسة أيد ببصرة
الحقي روحي النحيلة
دايبة من كتر الهزال
با اطلبك تليفوني فاصل
شكلي مش ها اقدر أواصل
كل أسئلتك مريبة
كل أسئلتك غريبة
فاتحة صدرك للسماسرة
واحنا نندغ ألف حسرة
كل كوم يطلع له كومي
كل لمسة إيد ببصرة
واحنا مش لاقيينها كسرة
ياللا فوقي ..
فزي ..قومي
صرنا أسري ..
موتنا حسرة
***********
الشعرا البعدا
أوعوا تلوموها الشمس .. لو زعلت
أو بالإيدين.. المشاع
أو بالإيدين.. الشعاع ..
مسحت خطاوي الضل
ولا تزعلوش ..
علي حيطة من غير أساس .. إذا اتهدمت
"بلالين" تفرقع بانفعال دبوس
فما تتحسبشي الحسبة بالتلميع
وما تتحسبشي الحسبة.. بالدوشة
مش كل ضحكة.. تداوي قلب حزين
ولا كل تنطيط .. أوعبط ..
تبقي العيال روشه