القاهرة 27 يوليو 2014 الساعة 03:45 م
افتح بيبان العيد يارب للأمة
نجينا م الغمة
واهدينا صبح جديد فيه كل طفل سعيد
لا موت ولا حرمان
كحكاية وعيدية فى مصر وف لبنان
وف غزة وف سوريا
وف كل أرض عزيزة عربية
رجعنا زى زمان
زيتنا ف دقيقنا عريشنا فى يافانا
وأرضنا محروسة بسمانا
وعيالنا فرحانة
لابسين جديد فى جديد قبل البعاد مايسموا كحك العيد
ويصيبوا جسم الأمة بالحمي احنا اتاخدنا غدر يارب!... طاقة قدر
نسمة أمل تصحصح الأحلام المخنوقين فى الضلمة
هاتف هتف بالوحى والإلهام
مش بالدعا وحده مش بالكلام.. تتجمل الأيام
العلم هو الشفا
يا أمة متكتفة
فى ضلام فى قلبه ضلام فى قلبه ضلام
العلم طاقة نور وطاقة عمل
العلم هو السر، هو الأمل
هو الخلاص
لربعميت مليون من الأيتام
الكحكة فى إيدينا عجب
والمية ونسيم الهوا
لكن ح نفرح كل عيد
ونقول سوا من بعد لم الشمل والأشواق:
العلم هو الدوا
والجهل هو الداء
وعشان يتم الشفا
نحب بعض ونكره الأعداء